मुख्यमंत्री एकनाथ शिंदे 8 नोव्हेंबरला करमाळ्यात येणार – दिग्विजय बागल यांच्या प्रचारार्थ सभा…

करमाळा (दि.६) : महायुतीचे उमेदवार दिग्विजय बागल यांच्या प्रचारार्थ राज्याचे मुख्यमंत्री एकनाथ शिंदे हे येत्या ८ नोव्हेंबर रोजी करमाळा येथे येत असून, सकाळी १२ वाजता यशवंतराव चव्हाण महाविद्यालयाच्या प्रांगणात त्यांची भव्य सभा होणार आहे. या सभेला करमाळा विधानसभा मतदारसंघातील लाखो मतदारांनी व मुख्यमंत्र्यांच्या लाडक्या बहिणींनी उपस्थित राहावे असे आवाहन महायुतीचे उमेदवार दिग्विजय बागल व शिवसेनेचे जिल्हाप्रमुख महेश चिवटे यांनी केले आहे.

अत्यंत राजकीय घडामोडीनंतर मुख्यमंत्री एकनाथ शिंदे यांनी करमाळा विधानसभेसाठी दिग्विजय दिगंबरराव बागल यांना अधिकृत उमेदवारी दिली असून, त्यांना निवडून आणण्यासाठी स्वतः मुख्यमंत्री एकनाथ शिंदे यांनी ताकद लावून निवडणूक प्रतिष्ठित केली आहे.

याबाबत माहिती देताना जिल्हाप्रमुख चिवटे म्हणाले की, मुख्यमंत्री एकनाथ शिंदे सकाळी ११ वाजता सोलापूर विमानतळावर येणार असून, तेथून हेलिकॉप्टरने करमाळा येथे येणार आहेत, त्यांची १२ वाजता यशवंतराव चव्हाण महाविद्यालयाच्या प्रांगणात सभा होणार असून या सभेनंतर पुढे त्यांच्या परंडा, बार्शी, धाराशिव, उमरगा अशा चार सभा होणार आहेत.

करमाळा प्रतिनिधी- “करमाळा माढा विधानसभा मतदारसंघाचे शिवसेना महायुतीचे अधिकृत उमेदवार श्री दिग्विजय दिगंबरराव बागल यांच जाहीर आवाहन”

महाराष्ट्राचे मुख्यमंत्री शिवसेना प्रमुख माननीय एकनाथ जी शिंदे साहेब यांची येत्या 8 नोव्हेंबर रोजी यशवंतराव चव्हाण महाविद्यालय करमाळा येथे सकाळी 10.30 वाजता जाहीर सभा होणार आहे.

तरी या सभेला करमाळा माढा विधानसभा मतदारसंघातील माता भगिनी, युवक व आबालवृद्ध यांनी जरूर सहभागी व्हावे असे आवाहन उमेदवार दिग्विजय दिगंबरराव बागल यांनी केले आहे..

ही सभा यशस्वी करण्यासाठी भाजपच्या महिला प्रदेश उपाध्यक्ष रश्मी बागल शिवसेनेचे समन्वयक विलासराव घुमरे, उपजिल्हाप्रमुख अनिल पाटील, तालुकाप्रमुख राहुल कानगुडे, ओबीसी जिल्हाध्यक्ष सुरेश करचे, शहरप्रमुख संजय शिलवंत, महिला आघाडी नेत्या पद्मजा इंगवले उपजिल्हाप्रमुख ज्योतीताई शिंदे, युवा सेना उपजिल्हाप्रमुख चंद्रकांत राखुंडे, युवा सेना तालुकाप्रमुख नवनाथ गुंड, उपतालुकाप्रमुख डॉ. गौतम रोडे, बाळासाहेब वाघ, दादासाहेब तनपुरे, वैद्यकीय सहाय्यक दीपक पाटणे, नागेश चेंडगे, कुर्डुवाडी शहर प्रमुख समाधान दास, महिला आघाडी शहर प्रमुख कीर्ती स्वामी रोहित बलाक्षी सागर कोल्हे अनिता पवार आदी शेकडो पदाधिकारी परिश्रम घेत आहेत.
याशिवाय भाजप आरपीआय रयत शेतकरी संघटना अजितदादा पवार यांचा राष्ट्रवादी गट पदाधिकारी परिश्रम घेत आहेत.