घरात घुसून चोरट्याने पावणेदोन लाखाची केली चोरी..
करमाळा / संदेश प्रतिनिधी
करमाळा : घरात घुसून सोन्याचे दागिणे, रोख रक्कम, मोबाईल असा पावणेदोन लाख रूपयाचा ऐवज चोरट्याने चोरून नेला आहे. हा प्रकार २५ जानेवारीच्या मध्यरात्री पोमलवाडी येथे धनाजी पाटील यांचे वस्तीवरती घडला आहे. या प्रकरणी धनाजी आप्पासाहेब पाटील (रा. पोमलवाडी) यांनी फिर्याद दिली आहे.
त्यात त्यांनी म्हटले आहे, की २५ जानेवारीला आम्ही जेवण करून घरातील सर्वजण झोपलो असता मध्यरात्री चोरट्यांनी घरात घुसून सुटकेस बाहेर नेऊन त्यातील दीड लाख रूपये किंमतीचे सोन्याचे गंठन तसेच अडीच हजार रूपये रोख, २३ हजाराचे तीन मोबाईल असा साधारणत: पावणेदोन लाख रूपयाचा ऐवज चोरट्याने चोरून नेला आहे. या प्रकरणी पोलीसांनी गुन्हा दाखल केला असून पुढील तपास पीएसआय प्रविण साने हे करत आहेत.
