रस्त्याच्या कारणावरून लोखंडी सळईने मारहाण..

करमाळा / संदेश प्रतिनिधी

करमाळा : रस्त्यावरून का जातो. या कारणावरून एकाने लोखंडी सळईने मारहाण केली आहे. हा प्रकार २ मार्च ला दुपारी पावणेतीन वाजता शेटफळ (नागोबाचे), ता.करमाळा येथे घडला आहे. या प्रकरणी सज्जन गोरख गुटाळ ( रा. कुगाव) यांनी फिर्याद दिली आहे. त्यात त्यांनी म्हटले आहे, की २ मार्चला दुपारी पावणेतीन वाजता मी माझ्या शेतात जात असताना आमच्या भावकीतील प्रवीण आजिनाथ गुटाळ (रा. कुगाव) हा म्हणाला.. तु आमच्या बांधावरून जायचे नाही असे म्हणून शिवीगाळ करू लागला. त्यावेळी मी शिव्या देऊ नको असे म्हणालो असता त्याने हातातील लोखंडी सळईने माझ्या डोक्यात, पाठीवर, कंबरेवर बेदम मारहाण करून जखमी केले व त्यानंतर तो निघून गेला. या प्रकरणी पोलीसांनी गुन्हा दाखल केला असून पुढील तपास पोलीस करत आहेत.