रामवाडी शिवारातील सहाजणांच्या मोटारीची चोरी

करमाळा / संदेश प्रतिनिधी

करमाळा,ता.९: रामवाडी शिवारातील सहाजणांच्या मोटारीची आतील तांब्याची ५७ हजार रूपये किमतीची तार चोरट्यांनी चोरून नेली आहे. हा प्रकार १ मार्च ला मध्यरात्री घडला आहे.

या प्रकरणी बबन मारूती वारगड रा. रामवाडी यांनी फिर्याद दिली आहे. त्यात त्यांनी म्हटले की २ मार्चला उजनीवरील मोटार चालू करण्यासाठी गेलो पण पाणी आले नाही. तेंव्हा उजनी काठी गेलो त्यावेळी माझी मोटार चोरीला गेली असल्याचे कळाले. त्याच वेळी महेश दादा माने, जनार्धन परशुराम अंबोधरे, सुरेश सुंदरदास डोळे, हणुमंत नरहरी जगताप,बाबुराव काशीनाथ अंबोधरेया सर्वांच्या मोटारीतील तांब्याची तार काढून चोरट्यांनी चोरून नेली आहे. एकूण ५७ हजार रूपयाचा ऐवज चोरट्यांनी चोरून नेला आहे.

या प्रकरणी पोलीसांनी गुन्हा दाखल केला असून पुढील तपास सुरू आहे.