केम येथे मोटारसायकलची चोरी..
करमाळा / संदेश प्रतिनिधी
करमाळा : केम येथे घरासमोर हॅन्डललॉक करून लावलेल्या मोटारसायकलची चोरी झाली आहे. हा प्रकार २१ फेब्रुवारीच्या मध्यरात्री घडला आहे. या प्रकरणी २५ फेब्रुवारीला प्रविण शिवाजी शिंदे (रा. केम) यांनी फिर्याद दिली आहे. त्यात त्यांनी म्हटले आहे, की माझ्या मालकीची काळ्या रंगाची हिरोहोंडा स्प्लेंडर प्लस मोटारसायकल २१ फेब्रुवारीला रात्री घरासमोर लावली होती. सकाळी साडेसात घरासमोर लावलेली मोटारसायकल नव्हती. सदरची मोटारसायकल चोरट्याने चोरून नेली आहे. या प्रकरणी पोलीसांनी गुन्हा दाखल केला असून पुढील तपास पोलीस उपनिरीक्षक प्रविण साने हे करत आहेत.
