मोटरसायकल अपघातात एक ठार तर एक गंभीर जखमी..
करमाळा / संदेश प्रतिनिधी :
करमाळा : : रस्त्याचा अंदाज न घेता वेगात मोटरसायकल चालवताना मुरुम टाकलेल्या ढिगाऱ्यावर जाऊन पडल्याने एक जण जागीच ठार झाला असून एक जण गंभीर जखमी झाला आहे. हा प्रकार 31 जानेवारीला सायंकाळी 7 वाजता पोफळज (ता.करमाळा) येथे घडला आहे.
याप्रकरणी पोलीस नाईक मनोज अर्जुन खंडागळे यांनी फिर्यादीला आहे त्या त्यांनी म्हटले आहे की 31 तारखेला सायंकाळी सात वाजता पुण्यावरून सचिन रामेश्वर भोसले, गणेश कॉलनी, काळेपडळ, हडपसर पुणे हा मोटरसायकल चालवत होता. हा मोटरसायकल क्रमांक एम एच 12.476 या मोटारसायकलवरुन भिगवनकडून पोफळज मार्गे करमाळ्याला येत होते.
मोटारसायकलवर पाठीमागे शुभम दत्तात्रय बरडे (रा.रावगाव) हे दोघे वेगात पोफळजळून येत असताना पोफळज येथील रस्त्यावरील मुरमाच्या मोठ्या ढिगाऱ्याला धडक देऊन झालेल्या अपघातात शुभम बरडे हा खाली पडून त्याच्या डोक्यात जखम झाल्याने जागीच ठार झाला आहे तर मोटारसायकलस्वार सचिन भोसले हा गंभीर जखमी झाला आहे, त्याच्यावर रुग्णालयात उपचार सुरू आहेत, या प्रकरणी पोलिसांनी गुन्हा दाखल केला असून पुढील तपास पोलीस करत आहेत.
