करमाळा तालुक्यासाठी अर्थसंकल्पात रस्ते विकासासाठी 25 कोटींची तरतूद – आ.संजयमामा शिंदे

करमाळा / संदेश प्रतिनिधी :
करमाळा : जुलै 2023 च्या पुरवणी अर्थसंकल्पामध्ये या वर्षीपासून मतदार संघातील ग्रामीण मार्गांना निधी मिळण्याची तरतूद करण्यात आली असून, करमाळा मतदारसंघातील ग्रामीण मार्गांच्या विकासासाठी तब्बल 18 कोटी तर राज्यमार्गाच्या व प्रमुख जिल्हा मार्गाच्या विकासासाठी 7 कोटी अशी 25 कोटी निधीची तरतूद झाली असल्याची माहिती आमदार संजयमामा शिंदे यांनी दिली आहे.

हा निधी मंजूर केल्याबद्दल आमदार संजयमामा शिंदे यांनी मुख्यमंत्री ना.एकनाथजी शिंदे, उपमुख्यमंत्री ना.अजित दादा पवार,उपमुख्यमंत्री ना. देवेंद्रजी फडणवीस यांचे आभार मानले. करमाळा मतदार संघासाठी मंजूर झालेल्या निधीमधून कुगाव चिकलठाण नं 1 शेटफळ जेऊर कोंढेज साडे रस्ता ,कुंभारगाव ते घरतवाडी रस्ता, कुस्करवाडी ते इजिमा 78 रस्ता ,बोरगाव ते निलज रस्ता, रावगाव ते दगडवाडी ते शेळके वस्ती वाघमारे वस्ती ते वडगाव रस्ता , महादेववाडी ते पणासे वस्ती रस्ता, मुंगशी ते नाडी रस्ता, भोसरी ते चिंकहिल रस्ता, म्हैसगाव ते पवार वस्ती रस्ता, दहिवली ते पवार वस्ती रस्ता, निमगाव ते वरपे वस्ती रस्ता ,अंबड ते बिरोबा वस्ती रस्ता, कुर्डू ते घाटणे ते ढाणे वस्ती रस्ता, पिंपळ खुंटे ते वडाचीवाडी रस्ता, निमगाव ते काशीद वस्ती रस्ता, भुताष्टे ते सापडणे रस्ता, रामा 203 (वडाचीवाडी) ते सापटणे( भोसे) रस्ता, चिंचगाव ते लहू रस्ता, चोभेपिंपरी ते गवळेवाडी बारलोणी रस्ता, पिंपळखुंटे ते कचरे वस्ती रस्ता, शेडशिंगे ते पिंपळनेर रस्ता, लऊळ ते सापडणे रस्ता, बारलोणी ते काशीद वस्ती रस्ता, रोपळे बिटरगाव शिंगेवाडी रस्ता, बिटरगाव ते नाडी रस्ता, कव्हे ते शिंगेवाडी रस्ता, कुर्डू ते दोघे पिंपरी रस्ता, कुर्डू ते घाटणे रस्ता ,रोपळे ते मुंगशी रस्ता या प्रमुख रस्त्यांचा समावेश आहे.

भविष्यात रिझल्ट दिसतील – आ.संजयमामा शिंदे.
महाराष्ट्र राज्याच्या उपमुख्यमंत्री पदी व अर्थमंत्रीपदी ना.अजितदादा पवार यांची निवड झाल्यानंतर आपण त्यांच्याकडे मतदार संघातील विविध विकास कामासाठी 100 कोटी निधीची मागणी केलेली होती त्यापैकी जुलै च्या पुरवणी अर्थसंकल्पामध्ये 25 कोटी निधीला मंजुरी दिलेली असून उर्वरित कामे डिसेंबरच्या बजेटमध्ये मंजूर होतील त्याचप्रमाणे 2515 निधी मिळविण्यासाठी आपण प्रयत्नशील असून लवकरच मतदार संघामध्ये मोठ्या प्रमाणावर निधी येईल, त्याबरोबरच महाविकास आघाडी सरकारच्या कार्यकाळामध्ये मंजूर असलेल्या कामावरील स्थगितीही उठेल . जुलै 2022 ते जुलै 2023 या कार्यकाळामध्ये निधी मिळण्यास अडचणी आल्या, परंतु आता तो अनुशेष भरून काढण्याचे काम सुरू आहे. या विकास कामांचे रिझल्ट भविष्यात निश्चितच दिसतील.