विवाहितेच्या छळप्रकरणी चौघावर गुन्हा दाखल…

करमाळा / संदेश प्रतिनिधी :

करमाळा : विवाहितेचा फ्लॅट घेण्यासाठी सासरच्या मंडळींनी छळ केला, अशा चौघाच्या विरूध्द करमाळा पोलीसात गुन्हा दाखल झाला आहे. या प्रकरणी धनश्री रविंद्र लवटे (रा. कळवा, जि. ठाणे) ह.रा.सालसे ता.करमाळा यांनी फिर्याद दिली आहे.

त्यात त्यांनी म्हटले आहे, की १९ एप्रिल २०१८ ला रविंद्र राजेंद्र लवटे रा.कळवा याचेबरोबर लग्न झाले. परंतु मानपान दिला नाही, हुंडा दिला नाही याकारणावरून पती रविंद्र लवटे, सासरे राजेंद्र लवटे, सासु संगीता लवटे, दीर सुनील लवटे या सर्वांनी माझा शारिरीक व मानसिक छळ केला. अलिकडे फ्लॅट घेण्यासाठी पैसे घेऊन ये म्हणून मला हाकलून दिले.या प्रकरणी पोलीसांनी चौघांच्या विरूध्द गुन्हा दाखल केला असून पुढील तपास पोलीस उपनिरीक्षक प्रविण साने हे करत आहेत.