वेगात ट्रॅक्टर चालविणाऱ्या विरूध्द गुन्हा दाखल..
करमाळा / संदेश प्रतिनिधी :
करमाळा : करमाळा शहरात गायकवाड चौकात वेगात ट्रॅक्टर चालविणाऱ्या चालकाविरूध्द पोलीसांनी गुन्हा दाखल केला आहे. हा प्रकार १ डिसेंबरला सकाळी साडेअकरा वाजता घडला आहे. यात पोलीस कॉन्स्टेबल दिपक नागनाथ कांबळे यांनी फिर्याद दिली आहे.
त्यात त्यांनी म्हटले आहे, की १ डिसेंबरला सकाळी साडेअकरा वाजता आम्ही वाहतूक नियमन करत असताना गायकवाड चौकात गणेश जयहिंद जाधव रा. सोनेगाव, ता. जामखेड, जि. नगर हा त्याच्या ताब्यातील ट्रॅक्टर एमएच १५ बीएम ००६२ हा भरधाव वेगात चालवत होता. त्यामुळे रस्त्यावरील लोकांच्या जीवितास धोका होईल असे वाहन चालवित होता. या प्रकरणी पोलीसांनी गुन्हा दाखल केला असून पुढील तपास सुरू आहे.
