मोटारसायकलस्वाराची दुसऱ्या मोटारसायकलस्वारास जोराची धडक – दांम्पत्य जखमी
करमाळा / संदेश प्रतिनिधी
करमाळा : रस्त्यावरील मोटारसायकलस्वाराने समोरून जात असलेल्या मोटारसायकलला जोराची धडक देऊन झालेल्या अपघातात पती-पत्नी जखमी झाले आहेत.
हा अपघात २५ जुनला सायंकाळी साडेपाच वाजता आळसुंदे – वरकुटे रोडवर घडला आहे. या प्रकरणी २३ जुलैला फिर्याद दाखल झाली आहे. ही फिर्याद शालन श्रीमंत वाघमारे (रा. आळसुंदे) यांनी फिर्याद दिली आहे.
त्यात त्यांनी म्हटले आहे, की २५ जुन २०२३ रोजी सायंकाळी साडेपाच वाजता मी व माझे पती मोटारसायकल क्र. एमएच ४५ एम ८९५५ वरून आळसुंदे- वरकुटे रस्त्याने जात असताना समोरून महादेव गणपत वाघमोडे (रा.सालसे) हा त्याच्या ताब्यातील मोटारसायकल क्र. एमएच १२ एफएच ७३८८ ही भरधाव वेगात विरूध्द दिशेला आला व त्याने आमच्या मोटारसायकलला धडक दिली. त्यात माझ्या हाताला व तर माझ्या पतीच्या पायाला व बरगडीला जखम झाली आहे. या प्रकरणी पोलीसांनी गुन्हा दाखल केला असून पुढील तपास सुरू आहे.
