करमाळा पोलिसांकडून चोरीला गेलेली मोटारसायकल हस्तगत, आरोपी गजाआड
करमाळा : करमाळा पोलीस ठाण्याच्या पथकाने केम येथील मोटारसायकल चोरी प्रकरण उघडकीस आणत ३० हजार रुपयांची हिरो स्प्लेंडर प्लस मोटारसायकल जप्त केली असून आरोपीस अटक करण्यात आली आहे.
दि. ९ सप्टेंबर २०२५ रोजी रात्री ओंकार संजय जाधव (वय २१, रा. केम, ता. करमाळा, जि. सोलापूर) यांच्या घरासमोर उभी असलेली काळ्या रंगाची हिरो स्प्लेंडर प्लस (एमएच ४२ एयू ४३८९) मोटारसायकल चोरीस गेल्याची तक्रार दाखल करण्यात आली होती. या प्रकरणी गुन्हा क्र. ७५५/२०२५ नोंदविण्यात आला होता.
गुन्ह्याच्या तपासादरम्यान पोलिसांनी गोपनीय माहिती, सीसीटीव्ही फुटेज आणि तांत्रिक विश्लेषणाच्या आधारे नामदेव बबन चुनाडे (वय ५२, रा. अनिल नगर, पंढरपूर) याच्यावर संशय घेतला. त्याला पंढरपूर परिसरातून ताब्यात घेऊन चौकशी केल्यावर त्याने मोटारसायकल चोरी केल्याची कबुली दिली. त्याच्याकडून संबंधित मोटारसायकल हस्तगत करण्यात आली आहे.
ही कारवाई पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर, उपविभागीय पोलीस अधिकारी अंजना कृष्णा व्ही. एस., आणि पोलीस निरीक्षक रणजीत माने यांच्या मार्गदर्शनाखाली करण्यात आली.
या कारवाईत पोहेका भाऊराव शेळके, पोहेका अजित उबाळे, पोना मनिष पवार, पोना वैभव ठेंगल, पोकॉ रविराज गटकुळ, अर्जुन गोसावी, येवले, हनुमंत भराटे, अमोल रंदिल, गणेश खोटे, तसेच सायबर शाखेचे पोहेकॉ व्यंकटेश मोरे यांनी सहभाग घेतला.
पोलीस ठाण्याच्या हद्दीत वाढत्या वाहनचोरीच्या घटनांच्या पार्श्वभूमीवर पोलिसांनी तपास अधिक गतीने करण्याचे प्रयत्न सुरू ठेवले आहेत.
