वेगात मोटारसायकल चालविणाऱ्यावर कारवाई..
करमाळा / संदेश प्रतिनिधी
करमाळा : वेगात मोटारसायकल चालविणाऱ्या ४९ वर्षाच्या प्रौढावर पोलीसांनी कारवाई केली आहे. हा प्रकार २३ जुलैला सायंकाळी सव्वासात वाजता बसस्थानकाजवळ घडला आहे.
या प्रकरणी पोलीस कॉन्स्टेबल दिपक कांबळे यांनी फिर्याद दिली आहे. त्यात त्यांनी म्हटले आहे, की २३ जुलैला सायंकाळी सव्वासातच्या सुमारास बसस्थानकाजवळील संगमचौकात वाहतुकीचे नियमन करत असताना बबन उंबर चव्हाण (वय ४९, रा. आलेश्वर, ता. परांडा) हा मोटारसायकल वेगात वेडीवाकडी चालवत आला होता.
त्याच्या या गाडी चालविण्याच्या कृत्यामुळे रस्त्यावरील लोकांच्या व जीवितास धोका होवू शकतो. त्यामुळे त्यास आडविले आहे. या प्रकरणी पोलीसांनी गुन्हा दाखल केला असून पुढील पोलीस उपनिरीक्षक प्रविण साने हे करत आहेत.
