अमोल जाधव यांना उत्कृष्ट समाजसेवक पुरस्कार प्रदान
![](https://saptahik-sandesh.com/wp-content/uploads/2024/01/img-20240106-wa00034819639163452607227-1024x767.jpg)
करमाळा (संदेश प्रतिनिधी) – करमाळा येथील अमोल जाधव यांना उत्कृष्ट समाजसेवेच्या योगदानासाठी युवा भिम सेना सामाजिक संघटनेच्यावतीने उत्कृष्ट समाजसेवक म्हणून राज्यस्तरीय पुरस्कार देण्यात आला आहे.
शुक्रवार दिनांक ०५ जानेवारी रोजी दुपारी १.०० वा. सोलापूर येथील समाज कल्याण केंद्र (रंगभवन चौक) येथे झालेल्या जाहीर कार्यक्रमात श्री अमोल जाधव यांना हा पुरस्कार प्रदान करण्यात आला.
अमोल जाधव यांचे करमाळा शहर व तालुक्यात विविध सामाजिक उपक्रमात नेहमीच सहभाग असतो. त्यांच्या या कार्याची दखल घेत युवा भिम सेना या सामाजिक संघटनेने त्यांची या पुरस्कारासाठी निवड केली. शुक्रवारी सोलापूर येथील समाज कल्याण केंद्र येथे या संघटनेचा ६ वा वर्धापनदिन उत्साहात साजरा करण्यात आला. या कार्यक्रमात राज्यभरात विविध क्षेत्रात उल्लेखनीय कार्य केलेल्या मान्यवरांना पुरस्कार प्रदान करण्यात आले.
अमोल जाधव यांना उत्कृष्ट समाजसेवक पुरस्कार मिळाल्याबद्दल युवा भिम सेनेचे संस्थापक अध्यक्ष महेश (आण्णा) डोलारे यांनी अभिनंदन केले असून करमाळा शहर व तालुक्यातूनही जाधव यांच्यावर शुभेच्छांचा वर्षाव होत आहे.