सोलापूर जिल्हा बँकेकडून प्रधानमंत्री सुरक्षा विमा अंतर्गत दोन लाख रुपयांची रक्कम वारसास प्रदान..
करमाळा / संदेश प्रतिनिधी :
करमाळा : प्रधानमंत्री सुरक्षा विमा अंतर्गत दोन लाख रुपयांची रक्कम वारसास सोलापूर जिल्हा मध्यवर्ती सहकारी बँक करमाळा शाखेकडून देण्यात आली आहे.
३ जानेवारी २०२३ रोजी खांबेवाडी (ता.करमाळा) येथे मोटारसायकल अपघातात फुलचंद रंगनाथ हाके यांचे निधन झाले होते. त्यांनी २३ जुलै २०१९ रोजी प्रधानमंत्री सुरक्षा विमा योजना रु १२/- चा विमा फॉर्म सोलापूर जिल्हा मध्यवर्ती सहकारी बँक करमाळा शाखेत भरून दिला होता. त्यांच्या वारसांनी बँकेकडे नुकसान भरपाईसाठी अर्ज केला होता. सोलापूर जिल्हा मध्यवर्ती सहकारी बँक करमाळा शाखेकडून आवश्यक कागदपात्रांची पूर्तता करून घेऊन प्रस्ताव विमा कंपनीकडे सादर करण्यात आला.
त्याप्रमाणे विमा कंपनीकडून २४ मार्च रोजी त्यांचे वारस हिंदराज फुलचंद हाके यांना प्रदान करण्यात आले. विमा क्लेम रक्कम त्याच्या वारसास देताना सोलापूर जिल्हा मध्यवर्ती सहकारी बँकेचे करमाळा तालुका सिनिअर बँक इन्स्पेक्टर श्री. अभय आवटे साहेब तसेच करमाळा शाखेचे शाखाधिकारी श्री.एस.एन माने साहेब व बैंक कर्मचारी उपस्थित होते.
