कुस्ती स्पर्धेत वायसीएमच्या आश्लेषा बागडेला सुवर्णपदक
करमाळा (दि.१०) – इंदापूर येथे महाराष्ट्र राज्य कुस्तीगीर परिषदेच्या वतीने आयोजित केलेल्या कुस्ती स्पर्धेत यशवंतराव चव्हाण महाविद्यालयाची खेळाडू कु.आश्लेषा बागडे हिने 57 किलो वजनी गटामध्ये सुवर्णपदक कमावण्याची कामगिरी केली आहे.
आठ नोव्हेंबरला झालेल्या फायनलच्या कुस्तीमध्ये आश्लेषाने कोल्हापूरच्या पूजा पाटीला चितपट करून गोल्ड मेडलवर आपले नाव कोरले.
या यशस्वी विद्यार्थिनीला महाविद्यालयाचे शारीरिक शिक्षण शिक्षक प्रा.राम काळे यांचे मोलाचे मार्गदर्शन लाभले.
या यशाबद्दल संस्थेचे सचिव विलासराव घुमरे,संस्थेचे अध्यक्ष प्राचार्य मिलिंद फंड,संस्थेचे सहसचिव विक्रमसिंह सुर्यवंशी, महाविद्यालयाचे प्राचार्य डॉ.एल.बी पाटील, वरिष्ठ विभागाचे उपप्राचार्य डॉ.अनिल साळुंखे,कनिष्ठ विभागाचे उपप्राचार्य संभाजी किर्दाक,वरिष्ठ व कनिष्ठ विभागातील सर्व प्राध्यापक व शिक्षकेतर कर्मचाऱ्यांनी अभिनंदन करून पुढील वाटचालीस शुभेच्छा दिल्या.
