बाळासाहेब काटे यांना तालुकास्तरीय आदर्श मुख्याध्यापक पुरस्कार प्रदान
करमाळा/ संदेश प्रतिनिधी :
करमाळा : कै.विठ्ठलराव शिंदे बहुउद्देशीय संस्था निमगाव (ता.माढा) यांचे एस.यु राजेभोसले हायस्कूल जिंती चे मुख्याध्यापक बाळासाहेब काटे यांना “तालुकास्तरीय आदर्श मुख्याध्यापक पुरस्कार” सपत्नीक करमाळा येथे प्रदान करण्यात आला. हा पुरस्कार करमाळा माढा विधानसभा मतदारसंघाचे विद्यमान आमदार संजयमामा शिंदे यांचेहस्ते देण्यात आला.
एस.यु.राजेभोसले विद्यालयात विद्यार्थ्यांच्या गुणवत्ता वाढी बरोबरच विविध विधायक उपक्रम राबवून विद्यार्थ्यांच्या हिताचे निर्णय घेतल्याबद्दल व अत्यंत कुशलतेने सर्व घटकांना विश्वासात घेऊन शाळेचे व्यवस्थापन चालवल्याबद्दल एस यु राजेभोसले विद्यालयात हा पुरस्कार देण्यात आला आहे. अशा प्रकारच्या पुरस्कारामुळे काम करण्याची सकारात्मक ऊर्जा मिळते असे मत बाळासाहेब काटे सरांनी व्यक्त केले व भविष्यातही चांगले काम करू अशा प्रकारची ग्वाही सरांनी दिली. काटे सरांना हा पुरस्कार मिळाल्याबद्दल जिंती पंचक्रोशीतील विविध स्तरातील मान्यवरांकडून सरांचे अभिनंदन केले जात आहे.
