करमाळा तालुक्यासाठी भरघोस निधी आणू – भाजपा तालुकाध्यक्ष गणेश चिवटे
करमाळा / संदेश प्रतिनिधी :
करमाळा : सोलापूर जिल्हा नियोजन समितीमधून आपण करमाळा तालुक्यासाठी भरघोस निधी आणणार असल्याचे असे प्रतिपादन करमाळा भाजपचे अध्यक्ष तथा DPDC सदस्य गणेश चिवटे यांनी केले आहे..
गुळसडी (ता.करमाळा) येथे गणेश चिवटे यांच्या DPDC निधीतून जिल्हा परिषद शाळेच्या संरक्षण भिंतीच्या बांधकामासाठी 3 लाख रुपये निधी मंजूर झाला आहे, सदर कामाचे भूमिपूजन गणेश चिवटे यांच्या हस्ते करण्यात आले, याप्रसंगी ते बोलत होते.
पुढे बोलताना ते म्हणाले की, सोलापूर जिल्हा नियोजन समिती मधून आजपर्यंत करमाळा तालुक्यातील विविध गावांमध्ये विकास कामांसाठी तीन कोटी रुपये निधी मंजूर झाला आहे, तसेच येणाऱ्या काळात जास्तीत जास्त निधी करमाळा तालुक्यासाठी मिळावा यासाठी प्रयत्न करणार असल्याचेही त्यांनी म्हटले आहे.
यावेळी भाजपा तालुका उपाध्यक्ष रामभाऊ ढाणे, गणेश महाडीक, विनोद महानवर , गुरसळीचे सरपंच प्रमोद भंडारे, माजी सरपंच समाधान यादव, उपसरपंच योगेश भंडारे, ग्रामपंचायत सदस्य महावीर कळसे, आदम शेख, नारायण भोसले, पोलीस पाटील धनंजय अडसूळ, माजी उपसरपंच नवनाथ यादव, माजी सरपंच अनंत यादव, माजी ग्रामपंचायत सदस्य तानाजी खंडागळे, बापू मोहोळकर, ग्रामपंचायत सदस्य मारुती जाधव, सामाजिक कार्यकर्ते सतीश बागल, श्याम पडवळे, पप्पू बागल, राज भंडारे शुभम लोंढे आदी ग्रामस्थ उपस्थित होते.
