गुरु गणेश दिव्यरत्न गो-शाळा येथे बैलपोळा सण मोठ्या उत्साहात साजरा..
करमाळा / संदेश प्रतिनिधी : अहिल्यानगर येथे धार्मिक परीक्षा बोर्डावार चातुर्मास असलेले प.पु. श्रुती मुनीजी म.सा. यांच्या प्रेरणेने सुरु झालेल्या गुरु गणेश दिव्यरत्न गो पालन संस्था येथे बैल पोळा सण मोठ्या उत्साहात साजरा करण्यात आला. याठिकाणी गोपालन संस्थेत सध्या 90 गोमातेची सेवा केली जाते. या याप्रसंगी गो -सेवा समिती चे सदस्य तसेच प्रमुख अतिथी च्या उपस्थितीत गो – मातेची पूजा करण्यात आली, त्यानंतर पोळ्यांच्या स्नेह भोजनाचा आस्वाद सर्व उपस्थितानी देण्यात आला. या वेळेस गो पालन संस्थेचे अध्यक्ष श्रेणिक खाटेर यांनी गो मातेचे महत्व सांगून गाईची पूजा संपन्न करण्यात आली.
यावेळी माजी उपनगराध्यक्ष कमलाकर वीर यांनी श्रेणिक खाटेर व गो सेवा समिती चे सर्व सदस्य यांच्या कार्याचे कौतुक करून पुढील सामाजिक कार्यासाठी शुभेच्छा दिल्या. यावेळी जैन संघांचे अध्यक्ष रमेश कटारिया, पिंटूशेठ गुगळे, बाळासाहेब वांगडे, प्रकाश मुनोत , नलवडे साहेब, अमृतजी कटारिया, नितीन दोशी, प्रितम दोशी, वैभव दोशी, विनोद पडवळे, आदेश ललवाणी, सतीश बालदोटा, केतन संचेती, गणेश बोरा, अक्षय मांडलेचा , दिनेश मुथा, जीवन संचेती , अभय शिंगवी, ॲड.संकेत खाटेर, वर्धमान खाटेर, संगीता खाटेर , मोक्षा खाटेर, पोपटराव कालदाते, चंद्रकांत कालदाते, अमोल महाराज कालदाते , विजय बरिदे, गिरीश शहा यांचे सह अनेक मान्यवर उपस्थित होते, यावेळी उपस्थित मान्यवरांचे आभार वर्धमान खाटेर यांनी मानले.
