स्व. डॉ. प्रदीपकुमार जाधव पाटील यांच्या स्मरणार्थ शालेय साहित्य वाटप

करमाळा (दि. 18 ऑगस्ट) – स्वातंत्र्यदिनाच्या औचित्याने स्व. डॉ. प्रदीपकुमार बुवासाहेब जाधव पाटील यांच्या स्मरणार्थ तरटगाव येथील जिल्हा परिषद शाळेत शालेय साहित्य वाटप करण्यात आले. आई कमला भवानी बहुउद्देशीय संस्थेच्या वतीने हा उपक्रम राबविण्यात आला.

संस्थेचे अध्यक्ष रोहन जाधव पाटील व सचिव तथा उपसरपंच अभिजीत जाधव पाटील यांच्या सहकार्याने हा उपक्रम पार पडला. राष्ट्रवादी विद्यार्थी काँग्रेसचे महाराष्ट्र प्रदेश सरचिटणीस अजिंक्य जाधव पाटील यांच्या हस्ते विद्यार्थ्यांना स्कूल युनिफॉर्म, ट्रॅकसूट व स्कूल बॅग वाटप करण्यात आले.

या प्रसंगी सरपंच रजनी जगदाळे, उपसरपंच धनराज मोरे, ग्रामपंचायत सदस्य श्रीनाथ घाडगे, अनुजा जाधव, ज्योती मोरे, माजी सैनिक बबन नलवडे, शिवाजी जाधव, जयराम जाधव, शालेय समिती अध्यक्ष शरद नलवडे, खरगे गुरूजी, नलवडे गुरूजी, ग्रामसेवक साबळे तसेच ग्रामस्थ मोठ्या संख्येने उपस्थित होते.