बळिराजा बहुउदेशीय संस्थेच्या वतीने केम येथे शालेय साहित्याचे वाटप
केम(संजय जाधव) – केम येथील उत्तरेश्वर हायस्कूलमध्ये शनिवारी (दि.२९) बळीराजा बहुउद्देशीय सामाजिक संस्था केमचे अध्यक्ष महावीर तळेकर यांच्यातर्फे विद्यार्थ्यांना वह्या वाटप केल्या. तसेच बळीराजा बहुउद्देशीय सामाजिक संस्था केमचे सचिव तथा शालेय व्यवस्थापन समितीचे उपाध्यक्ष श्री गणेश तळेकर यांचे चिरंजीव कुमार चैतन्य तळेकर या विद्यार्थ्याने वाढदिवसानिमित्त बॉटम पाम व आरेका पाम रोपे शाळेला दिली.
यावेळी शालेय व्यवस्थापन समितीचे अध्यक्ष वसंत तळेकर, उपाध्यक्ष गणेश तळेकर, सदस्य विजयकुमार तळेकर यांची विशेष उपस्थिती होती.
या वेळी प्राध्यापक डॉ. मच्छिंद्र नागरे, प्राध्यापक डॉ. संतोष साळुंखे, पाटील सर,श्री पवार,सौ राऊत यांनी शाळेत अध्यापनाचे तासांचा कार्यभार घेतल्याबद्दल त्यांचा सत्कार शालेय व्यवस्थापन समितीचेवतीने करण्यात आला. या कार्यक्रमाचे सूत्रसंचालन श्री के.एन वाघमारे यांनी केले.
