शेटफळ येथील शिवप्रतिष्ठानच्यावतीने आयोजित ‘दुर्गा माता दौड’ उपक्रमाची सांगता..
करमाळा / संदेश प्रतिनिधी : शेटफळ (ता.करमाळा) येथील शिवप्रतिष्ठानच्या वतीने नवरात्र निमित्त आयोजित दुर्गा माता दौड उपक्रमाची सांगता कार्यक्रम संपन्न झाला. नवरात्र निमित्त शेटफळ येथे दररोज पहाटे शिवप्रतिष्ठांच्या तरुण कार्यकर्त्यांच्या वतीने दुर्गादौडचे आयोजन करण्यात आले.
या उपक्रमात गावातील तरुण बहुसंख्येने सहभागी झाले होते. दसऱ्याच्या दिवशी तुकाई मंदिर पासून दौडची सुरुवात करण्यात आली छत्रपती शिवाजी महाराजांच्या स्मारकाला अभिवादन करून नवरात्र उत्सव मंडळाच्या समोर सांगता कार्यक्रम संपन्न झाला प्रसिद्ध कीर्तनकार विठ्ठल पाटील महाराज यांनी तरुणांनी छत्रपती शिवाजी व संभाजी महाराजांच्या विचाराने वागणारी स्त्री शक्तीचा आदर करून व्यसनमुक्त राहून देव ,देश आणि धर्मासाठी त्याग करणारी नवीन पिढी उत्पन्न व्हावी यासाठी दुर्गामाता दौड सारख्या उपक्रमांची गरज असून महाराष्ट्र संस्कृतीची यामुळे जपणूक केली जाणार आहे.
या उपक्रमात नऊ दिवस सहभागी झालेल्या तरुणांना मनापासून धन्यवाद देत या उपक्रमाचे कौतुक केले. यावेळी उपसरपंच शिवाजी पोळ राजाभाऊ रोंगे महाराज, महादेव लबडे, गणेश मोरे गंगाधर पोळ विठ्ठल रोंगे, रोहित लबडे भगवान गुंड, सतिश लबडे,अनिल पोळ, प्रशांत नाईकनवरे, अशोक पोळ ,सुधिर पोळ नानासाहेब साळूंके राजेंद्र साबळे यांच्यासह ग्रामस्थ बहुसंख्येने उपस्थित होते.
