मोटारसायकलस्वाराच्या धडकेत वृध्द महिला जखमी…
करमाळा / संदेश प्रतिनिधी
करमाळा : करमाळा शहरातून चालत जात असताना पाठीमागून आलेल्या मोटारसायकलने जोराची धडक दिल्याने ६० वर्षाची वृध्द महिला जखमी झाली आहे.
हा प्रकार १२ नोव्हेंबरला सायंकाळी पाच वाजता गायकवाड चौक ते संगमचौक या दरम्यान घडला आहे. या प्रकरणी इंदुबाई जया काळे ( वय ६०, रा. पारेवाडी) या महिलेने फिर्याद दिली आहे. त्यात त्यांनी म्हटले आहे, की १२ नोव्हेंबरला सायंकाळी पाच वाजता मी पुणे रोडवरून समर्थ हॉस्पिटलकडे जात असताना पाठीमागून एक मोटारसायकलस्वार आला व त्याने जोराची धडक दिली. त्या धडकेत मी जखमी झाले आहे. या प्रकरणी पोलीसांनी गुन्हा दाखल केला, असून पुढील तपास सुरू आहे.
