गुळसडी येथील विठामाई विद्यालयातील 10 वी च्या विद्यार्थ्यांचा निरोप समारंभ संपन्न..

करमाळा / संदेश प्रतिनिधी :

करमाळा : गुळसडी (ता.करमाळा) येथील विठामाई माध्यमिक विद्यालयातील 10 वीच्या विद्यार्थ्यांच्या निरोप समारंभाचा कार्यक्रम आयोजित करण्यात आला होता, या कार्यक्रमाचे व्याख्याते म्हणून ग्रामसुधार समितीचे अध्यक्ष डॉ.ॲड.बाबूराव हिरडे हे उपस्थित होते. तसेच कार्यक्रमाचे अध्यक्षस्थानी संस्थेचे संचालक तथा मार्गदर्शक लक्ष्मणराव (बाबासाहेब) चोपडे होते.

या प्रसंगी NMMS शिष्यवृत्ती पात्र परीक्षेत उत्तीर्ण झालेल्या कु.वर्षा धनाजी अडसूळ यांचा सत्कार करण्यात आला, याप्रसंगी व्याख्याते डॉ.ॲड.बाबूराव हिरडे यांनी विविध सामाजिक विषयांवर आपले व्याख्यान सादर केले. तसेच विद्यालयातील समृद्धी पायघण व आरती आरणे यांनी आपले उत्कृष्ट मनोगत व्यक्त केले. याप्रसंगी संस्था सचिव मानसिंग नारायण खंडागळे,पोलीस पाटील धनंजयराव अडसूळ, राजाभाऊ खाटमोडे, किसनराव कळसे, सुदाम क्षिरसागर, मुख्याध्यापक एस एम शिंदे सर, सर्व शिक्षक व शिक्षकेतर कर्मचारी व विद्यार्थी उपस्थित होते. सुत्रसंचालन कु. वैष्णवी कदम यांनी केले तसेच आभारप्रदर्शन कु आरती आरणे यांनी केले.