तिजोरे यांचे काम वाखाणण्याजोगे : माजी आमदार जयवंतराव जगताप
करमाळा / संदेश प्रतिनिधी :
करमाळा : सहाय्यक निबंधक दिलीप तिजोरे यांचे काम वाखाणण्याजोगे असून, करमाळा करांच्या सतत स्मरणात राहील असे मत माजी आमदार जयवंतराव जगताप यांनी व्यक्त केले.
श्री. जगताप तिजोरे यांच्या बदली झाली असून, त्यांच्या पुढील वाटचालीस शूभेच्छापर आयोजीत निरोप समारंभ कार्यक्रमात बोलत होते. करमाळ्याचे सहाय्यक निबंधक दिलीप तिजोरे यांची नुकतीच जामखेड येथे नियतकालिक बदली झाली आहे.
यावेळी तिजोरे यांचेसह तालुका लेखापरीक्षक पोरे , सहकार अधिकारी श्रीमती मुंडे यांचादेखील सेवाकालावधीत केलेले उत्कृष्ट कार्या व बदली निमित्त सन्मान करण्यात आला. यावेळी माजी आ. जगताप यांनी तिजोरे यांनी त्यांच्या सेवेच्या पावणे पाच वर्षाच्या कालावधी मधे केलेल्या उत्कृष्ट कामाचे कौतुक केले व भविष्यातील कामकाजासाठी शुभेच्छा दिल्या.
याप्रसंगी खरेदी विक्री संघाचे माजी चेअरमन प्रभाकर शिदे , व्हा . चेअरमन जनार्धन नलवडे , संचालक शहाजी शिंगटे , बाजार समितीचे माजी संचालक दादासाहेब जाधव , रिटेवाडीचे सरपंच दादासाहेब कोकरे , व्यापारी संतोषकुमार गुगळे , बाजार समितीचे सचिव विठ्ठल क्षीरसागर , लेखापरीक्षक शिंगाडे ,शहाजी सुरवसे , सुदाम शेळके यांचेसह सर्व गटसचिव , बाजार समितीचे अधिकारी कर्मचारी उपस्थित होते .कार्यक्रमाचे प्रास्ताविक सोलापूर जिल्हा गटसचिव पतसंस्थेचे चेअरमन बबनराव मेहेर यांनी तर आभार प्रदर्शन माजी नगराध्यक्ष दिपक ओहोळ यांनी व्यक्त केले.
