‘लीड’ स्कुल मध्ये सिनियर KG विद्यार्थ्यांचा ‘पदवीप्रदान’ समारंभ संपन्न
करमाळा / संदेश प्रतिनिधी : सी.बी.एस.ई मान्यता प्राप्त ‘लीड स्कूल’ सिनियर KG विद्यार्थ्यांना त्यांच्या पालकांसोबत गुणपत्रक व प्रमाणपत्र शाळेचे प्राचार्य बपन दास सर यांच्या हस्ते देण्यात आले. या समारंभाला शाळेतील सर्व पालक व शिक्षकांनी उत्साहाने सहभाग नोंदविला.
या कार्यक्रमाची सुरुवात लीड स्कूल मधील शिक्षक विनोद भांगे सर यांच्या स्वागत भाषणाने झाली. त्यानंतर शाळेचे प्राचार्य बपन दास यांनी प्रत्येक मुलाचे प्री प्रायमरी विभागात त्यांच्या संपूर्ण कालावधीत अनुभवलेली उल्लेखनीय वाढ त्यांनी अधोरेखित केली व मुलांचे कौतुक केले. सिनियर KG च्या पदवीधरांनी पारंपरिक टोप्या आणि गाऊन परिधान करून पालकांचे आणि शिक्षकांना अभिवादन करत मंचावर प्रवेश केला.
त्यानंतर मुलांना त्यांच्या पालकांसोबत गुणपत्रक व प्रमाणपत्र शाळेची प्राचार्य बपन दास सर यांच्या हस्ते देण्यात आले. या समारंभाला शाळेतील सर्व पालक व शिक्षकांनी उत्साहाने सहभागी झाले. या समारंभाचे सर्व व्यवस्थापन लीड स्कूलचे व्यवस्थापक रवी झिंजाडे सर यांनी पाहिले.
