करमाळा शहरात ‘ट्विंकलिंग स्टार्स’च्या नवीन शाखेचे भव्य उदघाटन..
करमाळा / संदेश प्रतिनिधी :
करमाळा : श्री गिरधरदासजी देवी प्रतिष्ठान संचलित नवभारत इंग्लिश मेडीयम स्कूल व ट्विंकलिंग स्टार्सच्या नवीन शाखेचे उदघाटन सोहळा आज (ता.१४) पार पडला. या कार्यक्रमाच्या अध्यक्षस्थानी गणेश करे-पाटील हे होते. तसेच प्रमुख पाहुणे म्हणून हरिभाऊ फंड, गोपाल बापू सावंत, महादेव फंड, प्रशांत ढाळे, योगेश शहा, संतोष व्होरा, चुंबळकर, श्री वाशिंबेकर,अनुज देवी ,सुमित्राताई घोलप तसेच शाळेचे संचालक कन्हैयालाल देवी, अमोद संचेती, चंदूकाका देवी, विजय दोशी, निर्मला देवी भाभी, सौ सुनीताताई देवी, मुख्याध्यापिका सौ सुनीता मोहिते, सौ सुनीता कश्यप, सविता नागर, अनन्या देवी हे उपस्थित होते.
याप्रसंगी मान्यवरांनी प्रास्ताविक करताना सांगितले कि, पालकांच्या सोयीसाठी व छोट्या विद्यार्थ्यांच्या सर्वांगीण विकासासाठी या शाखेचे उदघाटन करण्यात आले. करमाळा भूषण गिरधरदासजी देवी यांनी जे छोटेसे रोपटे पुणे रोड या ठिकाणी गिरधरदास देवी विद्यालय या माध्यमातून लावले होते, करमाळ्या सारख्या ठिकाणी मुलांना चांगले शिक्षण घेता यावे या हेतूने शाळेची स्थापना करण्यात आली होती. गिरधरदास देवी यांचे स्वप्न पूर्ण करण्यासाठी कन्हैयालाल देवी, सुनिता देवी यांनी स्वतः लक्ष घालून वेताळ पेठ येथे शाळेची लहान मुलांसाठी दुसरी शाखा ओपन करण्याचे ठरवले व ते प्रत्यक्षातही आणले. या कार्यक्रम प्रसंगी मोठ्या प्रमाणात पालक वर्ग उपस्थित होता तसेच शाळेमध्ये नवीन किलबिल परिवार ही उपस्थित होता. या कार्यक्रमाचे सूत्रसंचालन सौ देशमाने यांनी केले तर आभार प्रदर्शन सुनीता मोहिते यांनी मांडले. कार्यक्रम प्रसंगी सर्व शिक्षक वृंद उपस्थित होते.
