नवभारत स्कूलमध्ये होळी मोठ्या उत्साहात साजरी
करमाळा (संदेश प्रतिनिधी) – श्री गिरधरदास जी देवी प्रतिष्ठान संचलित नवभारत इंग्लिश मीडियम स्कूल व ट्विंकलिंग स्टार्स मध्ये रंगपंचमी मोठ्या उत्साहात साजरी करण्यात आली.
शाळेच्या सर्वेसर्वा सुनीता देवी मॅडम व मुख्याध्यापिका सौ सुनीता मोहिते मॅडम यांनी मुलांना होळीच्या शुभेच्छा दिल्या. नवभारत स्कूल मधील वातावरण पूर्ण रंगमय झाले होते. नर्सरी ते दहावीतील मुले , शिक्षक स्टाफ यामध्ये सहभागी झाले होते. लहान- मोठा तसेच आपापसातील मतभेद विसरून सर्व मुले एकमेकांवर रंगांची उधळण करत होती. लाल, निळा ,पिवळा, गुलाबी ,जांभळा ,हिरवा असे वेगवेगळे रंग मुलांच्या चेहऱ्यावर पाहिल्यानंतर जणू इंद्रधनुच स्कूलमध्ये उतरले आहे असे वाटत होते. सर्वांनी एकमेकाला होळीच्या शुभेच्छा दिल्या व या रंगांमध्ये रंगून जाण्याची मजा घेतली.
