नंदन प्रतिष्ठानतर्फे होम मिनिस्टर खेळ पैठणी व ऑर्केस्ट्रा कार्यक्रम

करमाळा/ संदेश प्रतिनिधी : गणेशोत्सवानिमित्त नंदन प्रतिष्ठानतर्फे संस्थेचे अध्यक्ष जितेश कटारिया यांच्या संकल्पनेतून महिलांसाठी विशेष आकर्षण ठरणारा होम मिनिस्टर खेळ पैठणी कार्यक्रम आयोजित करण्यात आला आहे. त्याचबरोबर “मिले सुर मेरा तुम्हारा” या सुरेल ऑर्केस्ट्राचाही आनंद रसिकांना घेता येणार आहे.

हा कार्यक्रम आज बुधवार, ३ सप्टेंबर २०२५ रोजी संध्याकाळी ६ वाजता संताजी नगर, नवीन भाजी मंडईजवळ, जुना बायपास रोड येथे पार पडणार आहे. स्पर्धेत प्रथम तीन विजेत्या महिलांना आकर्षक पारितोषिके देण्यात येणार आहेत.

या कार्यक्रमाचे उद्घाटन उपविभागीय अधिकारी अंजना कृष्णा व्ही.एस. (IPS) यांच्या हस्ते होणार असून, तहसीलदार शिल्पा ठोकडे व सहाय्यक पोलीस निरीक्षक गिरीजा मस्के प्रमुख पाहुण्या म्हणून उपस्थित राहणार आहेत. गणेशोत्सव समितीचे अध्यक्ष निलेश माने यांनी या कार्यक्रमाचा लाभ घेण्यासाठी अधिकाधिक महिलांनी सहभागी व्हावे, असे आवाहन केले आहे.