शेटफळ येथे उद्या कर्तृत्ववान ग्रामस्थांचा सन्मान
करमाळा (संदेश प्रतिनिधी) – शेटफळ (ना.) येथे उद्या (दि.१४) जिव्हाळा मैत्री मेळावा आयोजित केला आहे. यामध्ये कर्तृत्ववान ग्रामस्थांचा सन्मान, किल्लाबांधणी स्पर्धेचा बक्षीस वितरण व जिव्हाळा अन्नपुर्णा योजनेचा प्रारंभ अशा कार्यक्रमाचे आयोजन करण्यात आले आहे.
या कार्यक्रमासाठी प्रमुख मार्गदर्शक म्हणून संत साहित्याचे अभ्यासक अ‍ॅड. डॉ. बाबूराव हिरडे हे उपस्थित राहणार असून प्रमुख पाहुणे म्हणून प्रभारी तहसीलदार विजयकुमार जाधव व कुगाव येथील रहिवासी असलेले व मुंबई येथे पोलीस उपनिरीक्षक असलेले संतोष कामटे हे उपस्थित राहणार आहेत. यावेळी शेटफळ येथील भुमीपुत्र ह.भ.प. विठ्ठल दादा पाटील (महाराज) यांची विशेष उपस्थिती रहाणार आहे.
लोकविकास फार्मर्स प्रोड्युसर कंपनीच्या चिखलठाण रोडवरील पॅक हाऊस मध्ये सकाळी ९ वाजता हा
कार्यक्रम होत आहे. यावेळी जास्तीत जास्त नागरिकांनी वेळेवर उपस्थित रहावे असे संयोजकांनी अवाहन केले आहे.
