स्व.लीलाताई दिवेकर यांचे स्मरणार्थ २७ जुलैला करमाळा येथे तालुकास्तरीय इंग्रजी वक्तृत्व स्पर्धेचे आयोजन..
करमाळा / संदेश प्रतिनिधी :
करमाळा : यशकल्याणी सेवाभावी संस्था, करमाळा ,शिक्षण विभाग पंचायत समिती करमाळा व इंग्लिश लँग्वेज टीचर् असोसिएशन, करमाळा यांच्या संयुक्त विद्यमाने स्व.लीलाताई दिवेकर यांच्या स्मरणार्थ तालुकास्तरीय इंग्रजी वक्तृत्व स्पर्धेचे उद्या २७ जुलैला आयोजन करण्यात आले आहे.
करमाळा तालुक्यातील विद्यार्थ्यांमध्ये इंग्रजी भाषण कौशल्य विकसित व्हावे, व्यावहारिक जीवनात त्यांना आत्मविश्वासाने इंग्रजी बोलण्याचे धाडस निर्माण व्हावे, या उद्देशाने ही स्पर्धा आयोजित करण्यात आली आहे. ही स्पर्धा तीन गटांमध्ये घेतली जाणार असून पहिला गट – इ.पाचवी- सहावी, दूसरा गट इ सातवी-आठवी तर तिसरा गट इ. नववी-दहावी चा असेल . स्पर्धेच्या दिवशीच बक्षीस वितरण दू.2.00 वा. यशकल्याणी सेवाभवन येथे करण्यात येणार आहे.
हा समारंभ प्रा.गणेश करे पाटील यांच्या अध्यक्षतेखाली संपन्न होणार असून,या कार्यक्रमास सोलापूरच्या माध्य. शिक्षणाधिकारी डॉ. तृप्ती अंधारे तसेच प्राथमिक शिक्षणाधिकारी श्री.संजय जावीर, गटशिक्षण अधिकारी श्री.राजकुमार पाटील, ग्रामसुधार समितीचे अध्यक्ष डॉ. ॲड.बाबुराव हिरडे, हे प्रमुख पाहुणे म्हणून उपस्थित राहणार आहेत.
तसेच या कार्यक्रमासाठी विविध पत्रकारही या समारंभास उपस्थिती राहणार आहे. विजेत्या स्पर्धकांना यशकल्याणी संस्थेच्या वतीने सन्मानचिन्ह व प्रमाणपत्रासह रोख रकमेची पारितोषिके देऊन गौरविण्यात येणार आहे. यशकल्याणी सेवाभावी संस्थेसह, पं.स. शिक्षण विभाग, व इंग्लीश टीचर्स असोसिएशनद्वारे विद्यार्थी व्यक्तीमत्व विकासासाठी करमाळा तालुक्यात हा अभिनव उपक्रम राबविण्यात येत असून यापुढेही अशा शैक्षणिक उपक्रमांना प्राधान्य दिले जाईल असे ,इंग्लीश टीचर्स असोसिएशनचे प्रमुख सल्लागार, यश कल्याणी संस्थेचे अध्यक्ष प्रा.करे-पाटील यांनी सांगितले.
