नुस्ते विद्यालयात स्वातंत्र्य दिन उत्साहात साजरा
करमाळा/ संदेश प्रतिनिधी
करमाळा ता.१६ : कविटगाव येथील मच्छिंद्र नुस्ते विद्यालय व जुनिअर कॉलेज येथे स्वातंत्र्य दिन उत्साहात साजरा करण्यात आला. यावेळी संस्थेचे उपाध्यक्ष व प्रसिद्ध व्यापारी परेशकुमार दोशी व अध्यक्ष एन बी नुस्ते यांनी ध्वजारोहण केले या कार्यक्रमाच्या अध्यक्षस्थानी परेशशेठ दोशी होते तर प्रमुख पाहुणे म्हणून पत्रकार व सामाजिक कार्यकर्ते गजेंद्र पोळ हे होते.
यावेळी विद्यालयातील विद्यार्थ्यांची भाषणे झाली गुणवंत विद्यार्थ्यांना बक्षीस वितरण करण्यात आले. यावेळी अध्यक्षस्थानावरून बोलताना दोशी म्हणाले की स्वतंत्र्यासाठी त्याग केलेल्या पिढीचे योगदान आजची पिढी विसरत चालली असून अशा स्थितीत फक्त स्वातंत्र्य दिन व प्रजासत्ताक दिन या दिवशी देशप्रेम दाखवण्यापेक्षा देशाविषयी आदर व प्रेम कायम पाहिजे.
पत्रकार गजेंद्र पोळ यांनी तालुक्यात गोरगरीब शेतकरी शेतमजूर यांच्या मुलांसाठी दर्जेदार व्यावसायिक शिक्षणाच्या संधी उपलब्ध होण्यासाठी तालुक्यातील या क्षेत्रातील मंडळींनी पुढाकार घेण्याची गरज आहे.
यावेळी शिक्षक निमगिरे यांनी देशापुढे असलेल्या अनेक समस्या चा वुवापोह करून पर्यावरण रक्षणासाठी वृक्ष लागवड व वृक्ष संवर्धनाची गरज असल्याचे मत व्यक्त केले.
उपस्थितांचे स्वागत व प्रास्ताविक मुख्याध्यापक भोसले यांनी केले तर आभार लिमकर यांनी मानले या कार्यक्रमाला संतोष नुस्ते,शिक्षीका पवार , शिक्षक लिमगीरे, तिवारी , तांबोळी यांच्यासह सर्व शिक्षक पालक व परिसरातील लोक बहुसंख्येने उपस्थित होते.
