उभ्या मोटारसायकलला दुसऱ्या मोटारसायकलचे जोराची धडक – किरण बोकन जखमी..
करमाळा / संदेश प्रतिनिधी
करमाळा : उभ्या मोटारसायकलला समोरून वेगात आलेल्या मोटारसायकलने जोराची धडक देऊन झालेल्या अपघातात भारतीय जनता पार्टीचे जिल्हा कार्याध्यक्ष किरण बोकन जखमी झाले आहेत. यात श्री. बोकन यांनी ७ जुलैला पोलीसात फिर्याद दिली आहे.
त्यात त्यांनी म्हटले आहे, की ५ जुलैला रात्री साडेआठ वाजता मी गायकवाड चौकात माझ्या मोटारसायकलवर बसून चालू करत असताना समोरून ट्रीपलसीट मोटारसायकल भरधाव वेगात आली व त्याने माझ्या गाडीस जोराची धडक दिली.
त्यामुळे माझ्या डाव्या पायाला, पोटाच्या डाव्या बरगडीला व पाठीला मुका मार लागला आहे. एवढेच नाहीतर मोटारसायकलच्या धडकेत माझ्या मोटारसायकलचे पाच हजार रूपयाचे नुकसान झाले आहे. ज्या मोटारसायकलने धडक दिली तिचा क्र. एमएच ४५ एआर ४१५६ असा आहे. यात पोलीसांनी गुन्हा दाखल केला असून पुढील तपास पोलीस उपनिरीक्षक प्रविण साने हे करत आहेत.
