ट्रॅक्टरच्या धडकेने मोटारसायकलस्वार गंभीर जखमी..

करमाळा / संदेश प्रतिनिधी :

करमाळा : ट्रॅक्टरने अचानक रस्त्यावर येऊन मोटारसायकलला धडक देऊन झालेल्या अपघातात मोटारसायकलस्वाराचा पाय मोडला असून, तो गंभीर जखमी झाला आहे. हा अपघात १ फेब्रुवारीला सकाळी नऊच्या सुमारास रावगाव रस्त्यावर घडला आहे. या प्रकरणी बापू शेषराव डमरे रा. कोळवडी, ता. कर्जत यांनी फिर्याद दिली आहे.

त्यात त्यांनी म्हटले आहे, की १ फेब्रुवारीला मी सकाळी आठ वाजता हिरोहोंडा मोटारसायकल वरून आळसुंदे येथे हात चोळण्यासाठी निघालो होतो. त्यावेळी रावगाव – करमाळा रस्त्यावरील वीटभट्टीच्या जवळ आलो असता, मारूती बाळासाहेब शिंदे रा. रावगाव याने त्याच्या ताब्यातील जॉनडियर कंपनीचा ट्रॅक्टर अचानक रस्त्यावर आणून मोटारसायकलला धडक दिली.

त्यात माझ्या पायाला दुखापत झाली असून पाय फॅक्चर झाला आहे. या प्रकरणी पोलीसांनी गुन्हा दाखल झाला असून पुढील तपास सुरू आहे.