वीट ग्रामपंचायतीच्या नूतन सदस्यांचा खासदार नाईक निंबाळकर यांच्या हस्ते सत्कार
करमाळा (संदेश प्रतिनिधी) : माढा लोकसभा मतदारसंघाचे खासदार रणजितसिंह नाईक- निंबाळकर यांनी नुकतीच वीट येथे जगदीश निंबाळकर यांच्या निवासस्थानी सदिच्छा भेट दिली. वीट ग्रामपंचायतीच्या नूतन सदस्यांचा खासदार नाईक निंबाळकर यांच्या हस्ते सत्कार करण्यात आला.
यावेळी बोलताना खा. नाईक निंबाळकर म्हणाले की, वीट व परिसरातील विकास कामांसाठी माझे कायम सहकार्य राहील. रिटेवाडी उपसा सिंचन योजनेसाठी प्रयत्न चालू आहेत. भगीरथ योजनेचे डीपी लवकरच मंजूर करून देऊ. यावेळी त्यांनी वीट ग्रामपंचायतीच्या नवनिवार्चित उपसरपंच प्रतिनिधी अंकुश जाधव, ग्रामपंचायत सदस्य जगदीश निंबाळकर, गणेश ढेरे यांचा सत्कार केला.
याप्रसंगी भाजपचे जिल्हा सरचिटणीस गणेश चिवटे, राजेंद्र निंबाळकर, भाऊसाहेब मेहेर, सतीश निंबाळकर, हर्षद गाडे, संजय निंबाळकर, भाऊसाहेब जाधव, हरिभाऊ आवटे, विश्वनाथ ढेरे, रणजित निंबाळकर, अंगद ढेरे, भाऊसाहेब पुजारी, हनुमंत जाधव, ओंकार निंबाळकर, नागनाथ आवटे आदी उपस्थित होते.
