मुस्लिम विकास परिषदेच्यावतीने करमाळयात खतना कॅम्प – ११२ मुस्लीम बालकांची खतना..
करमाळा / संदेश प्रतिनिधी :
करमाळा : मुस्लिम विकास परिषदेचेवतीने करमाळा शहरातील नालबंद मंगल कार्यालय येथे मुस्लिम समाजातील बालकांची खतना करण्यात आली. यामध्ये ११२ बालकांची धार्मिक पध्दतीने सोलापुर येथील नामवंत खतना स्पेशालिस्ट डाॅ उजेर बेग यांनी शस्त्रक्रिया केली.
मौलाना सिंकदर मौलाना अन्वर शेख बकशभई शेख़ यांनी प्रार्थना करुन खतना कॅम्प चा शुभारंभ केला, यावेळी करमाळा अर्बन बॅकेचे माजी उपाध्यक्ष फारुक जमादार, युवा नेते अरबाज बेग, असलम हुसेन नालबंद मुस्तकीन पठाण पै, समीर शेख़, जमीर मुलाणी जमीर सय्यद अकबर सय्यद चाॅद बेग कै,नामदेराव जगताप ऊव्द्रु प्राथमिक शाळेचे अध्यक्ष मझहर नालबंद हाजी हमीद सय्यद आदी जण उपस्थित होते.
यावेळी या शिबीरात ११२ मुस्लिम बालकांनी सहभाग नोंदवला, यावेळी मौलाना सिंकदर म्हणाले की, इस्लाम धर्मात खतना ला विशेष महत्व आहे खतना करणे ही इस्लाम धर्माची प्रथा असली तरी प्रत्येक मानवाच्या निरोगी आरोग्याच्या दृष्टिने हिताचे आहे, हे शास्त्रीय दृष्टया सिद्ध झाले आहे, या कॅम्पमुळे सामाजिक धार्मिक तसेच आर्थिक बचत होऊन सामाजिक एकोप्याचे दर्शन होऊन व सलोखा निर्माण होतो तसेच ग्रामीण भागातील आर्थिक दृष्टया दुर्बल घटकातील बालकांची सोय होते आणि यामधुन खरे सामाजिक काम व समाज सेवा घडते असे उपक्रम राबविण्याची भविष्यात गरज आहे असेही त्यांनी म्हटले आहे.
यावेळी या शिबीरास अर्बन बॅकेचे संचालक कलीम काझी सर माजी नगराध्यक्ष शौकत नालबंद आर,आर, पाटील अरुण माने राष्ट्रवादी कांग्रेस चे शहर उपाध्यक्ष आझाद शेख जिशान कबीर जमीर मुलाणी मौलाना मरगुलहसन, कय्युम शेख रज्जाकभाई शेख आदी नी भेटी दिल्या तसेच हे शिबीर यशस्वी करण्यासाठी समीर शेख आयान बेग मुबीन बागवान शाहीद बेग,आसिम बेग जावेद शेख,नदीम शेख ,नवाज बेग आदी जणानी परिश्रम केले.
