स्व.नामदेवराव जगताप यांच्या पुण्यतिथी निमित्त विविध संस्थांच्यावतीने आदरांजली..!
करमाळा / संदेश प्रतिनिधी :
करमाळा : माजी आमदार स्व.नामदेवराव जगताप यांच्या पुण्यतिथीनिमित विविध संस्थांमधे आदरांजली वाहण्यात आली तसेच करमाळा शहरातील स्व. नामदेवराव जगताप यांच्या पूर्णाकृती पुतळ्यास जगताप गटाचे युवानेते माजी नगराध्यक्ष वैभवराजे जगताप , खरेदी विक्री संघाचे अध्यक्ष शंभूराजे जगताप , माजी उपनगराध्यक्ष नारायण बापू जगताप यांनी पुष्पहार अर्पण करून आदरांजली वाहिली.
कृषी उत्पन्न बाजार समिती , महात्मा गांधी माध्यमिक उच्च माध्यमिक व तांत्रिक विद्यालय , सोलापूर जिल्हा मध्य सह बँक , खरेदी विक्री संघ आदी संस्थांमधे कै जगताप यांच्या प्रतिमेचे पूजन करून आदरांजली वाहण्यात आली. यावेळी बाजार समितीचे सभापती प्रा . शिवाजी बंडगर , आदिनाथचे माजी उपाध्यक्ष प्रा. शहाजीराव देशमुख , जिल्हा बँकेचे सिनियर बँक इन्स्पेक्टर अभयसिह आवटे , बाजार समितीचे सचिव विठ्ठल क्षिरसागर , गटसचिवांचे समन्वयक सचिव बबनराव मेहेर , म गांधी विद्यालयाचे प्राचार्य पी ए कापले आदी सह शेतकरी , व्यापारी विविध संस्थांमधील कर्मचारी उपस्थित होते.
