‘महसुल सप्ताहा’च्या निमित्त सालसे येथे ‘सैनिक हो तुमच्यासाठी’ या अभियानांतर्गत शहीद जवानांना पुष्पांजली..
करमाळा / संदेश प्रतिनिधी :
करमाळा : साडे व सालसे (ता.करमाळा) येथे महसुल सप्ताहाच्या निमित्त सालसे येथील शहिद जवान जयहिंद पन्हाळकर,साडे येथील अमोल निलंगे ,हंबीरराव चौधरी या शहिद जवानांच्या समाधी स्थळांना उपविभागिय अधिकारी समाधान घुटकडे तसेच तहसिलदार विजयकुमार जाधव यांनी भेट देऊन पुष्पांजली वाहिली.
१ ऑगस्ट पासून राज्यभरात सुरू असलेल्या महसूल सप्ताह अंतर्गत ‘सैनिक हो तुमच्यासाठी’ या अभियानांतर्गत सालसे मंडळातील साडे व सालसे येथील शहीद जवान यांच्या समाधी स्थळाला भेट देऊन पुष्पांजली वाहिली तसेच शहीद जवान यांच्या कुटुंबातील वारसांच्या समस्या जाणून घेतल्या आणि त्यांच्या वारसांना मोफत 7/12 वाटप करण्यात आले.
यावेळी सालसे मंडळ अधिकारी अमितकुमार कलेटवाड, सालसे व साडे तलाठी महालिंग बिराजदार, नेरले तलाठी परमेश्वर सलगर, शिवाजी पन्हाळकर ,बाजीराव पन्हाळकर ,संतोष ओहोळ सह बहुसंख्येने ग्रामस्थ उपस्थित होते.
या सप्ताहाच्या निमित्ताने सालसे मंडलमध्ये महशुल दिन ,आधार कॅम्पचे आयोजन,एक हात मदतीचा ,जनसंवाद, सैनिक हो तुमच्यासाठी, महसुल संवर्गातील कार्यरत व सेवानिवृत अधिकारी अन् कर्मचारी संवाद असे विविध ऊपक्रम राबवण्यात येत असून महसुल सप्ताहाच्या सांगता समारंभार सात ऑगस्ट रोजी सालसे येथील मंडल कार्यालयात ऊपस्थित राहण्याचे आवाहन मंडल अधिकारी अमितकुमार कलेटवाड व तलाठी महालिंग बिराजदार यांनी केले आहे.
