चव्हाण महाविद्यालयात स्व.नामदेवराव जगताप यांना जयंतीनिमित्त अभिवादन
करमाळा (दि.९) : करमाळ्याचे माजी आमदार स्व. नामदेवराव जगताप यांची 105 वी जयंती यशवंतराव चव्हाण महाविद्यालयामध्ये संपन्न झाली. यावेळी विविध मान्यवरांनी आपल्या भाषणातून स्व. जगताप यांच्या कार्याला उजाळा दिला.
यावेळी उपस्थित मान्यवरांच्या हस्ते प्रतिमेस पुष्पहार अर्पण करून विन्रम अभिवादन केले. याप्रंसगी विद्या विकास मंडळाचे अध्यक्ष मा.प्राचार्य मिलिंद फंड यांनी स्वर्गीय नामदेवरावजी जगताप यांनी करमाळा तालुक्यातील शेतकऱ्यांच्या विकासासाठी उजनी धरण, मांगी तलाव, कुकडी प्रकल्प कशा पद्धतीने राबवले. त्याचबरोबर तालुक्यातील गोरगरिब शेतकऱ्यांच्या मुलांच्या शिक्षणासाठी यशवंतराव चव्हाण महाविद्यालयाची स्थापना केली असे आपल्या मनोगतातून स्व. जगताप यांच्या विषयी गौरवोद्गार काढले.
या कार्यक्रमासाठी विद्या विकास मंडळाचे सचिव आदरणीय श्री. विलासरावजी घुमरे, संस्थेचे अध्यक्ष प्राचार्य मिलिंद फंड , संस्थेचे सहसचिव विक्रमसिंह सुर्यवंशी, महाविद्यालयाच्या प्राचार्य डॉ.एल.बी.पाटील,कनिष्ठ विभागाचे उपप्राचार्य संभाजी किर्दाक उपस्थित होते. या कार्यक्रमाचे प्रास्ताविक मराठी विभागाच्या डॉ. वंदना भाग्यवंत यांनी केले. तर या कार्यक्रमाचे आभार प्रा.हनुमंत भोंग यांनी मानले. या कार्यक्रमासाठी महाविद्यालयातील वरिष्ठ व कनिष्ठ कला, वाणिज्य व विज्ञान विभागातील सर्व प्राध्यापक व शिक्षकेतर कर्मचारी मोठ्या संख्येने उपस्थित होते.
