दारूसाठी पैसे न दिल्याने एकाचे डोके फोडले..

करमाळा / संदेश प्रतिनिधी

करमाळा : दारूसाठी पैसे दिले नाहीत म्हणून दोघांनी एकाचे डोके फोडले आहे. हा प्रकार ४ मार्चला सायंकाळी सात वाजता साडे ता. करमाळा येथे घडला आहे. या प्रकरणी मल्हारी विठ्ठल सुपे रा.साडे यांनी फिर्याद दिली आहे. त्यात त्यांनी म्हटले आहे, की ४ मार्चला सायंकाळी सात वाजता मी साडे येथील एस. टी. स्टॅन्डवर असताना अमोल बागल व जीवन ढवळे तसेच एक अनोळखी इसम हे आले व दारू पिण्यासाठी २०० रू.दे.. म्हणू लागले. माझ्याकडे पैसे नाहीत असे म्हणताच या तिघांनी वीट उचलून माझ्या डोक्यात फेकून मारली. त्यात मी जखमी झालो आहे. या प्रकरणी पोलीसांनी गुन्हा दाखल केला असून पुढील तपास सुरू आहे.