२९ सप्टेंबरला श्री उत्तरेश्वर मंदिरात  विविध धार्मिक कार्यक्रमांचे आयोजन

केम (संजय जाधव) –  ब्रह्म चैतन्यगिरी महाराज यांच्या १८व्या पुण्यतिथी निमीत्त श्री उत्तरेश्वर मंदिरात दि २९ सप्टेंबर रोजी विविध धार्मिक कार्यक्रमांचे आयोजन करण्यात आले असल्याची माहिती श्री उत्तरेश्वर देवस्थानचे महंत जयंतगिरी महाराज व चेअरमन दादासाहेब गोडसे यांनी दिली.

या निमित्त २९ सप्टेंबरला सकाळी ८ ते १० या वेळेत श्री ऊत्तरेश्वर मंदिरातील सर्व देवस्थानांना व साधु संताच्या समाधीस्थळास अभिषेक करण्यात येईल. त्यानंतर १० ते १२ या वेळेत ह.भ.प. ज्ञानेश्वर पाटील (दहिवली) यांचे सुश्राव्य कीर्तन होईल. त्यानंतर १२:०५मि. पुष्प वृष्टी व आलेल्या सर्व भाविकांना महाप्रसाद देण्यात येणार आहे. केम व पंचक्रोशीतील भाविकांनी याचा लाभ द्मावा असे आवाहन करण्यात आले आहे.

या कार्यक्रमासाठी विविध आखाडयातील साधू संत उपस्थित राहणार आहेत. या कार्यक्रमासाठी महाराजांचे भक्तगण परिश्रम घेत आहेत.