शिवजयंती उत्सव समितीच्यावतीने विविध कार्यक्रमांचे आयोजन – १९ फेब्रुवारीला करमाळ्यात भव्य मिरवणूक..

करमाळा संदेश प्रतिनिधी :

करमाळा : करमाळा शहरात छत्रपती शिवाजी महाराज जयंती निमित्त शिवजयंती उत्सव समितीच्यावतीने 15 फेब्रुवारी ते 19 फेब्रुवारी यादरम्यान विविध कार्यक्रमांचे आयोजन करण्यात आले आहे.

छत्रपती शिवाजी महाराज यांच्या जयंतीच्या निमित्ताने 15 फेब्रुवारी रोजी सकाळी दहा वाजता येथील छत्रपती चौकात ध्वजारोहण करण्यात येणार आहे. त्याच दिवशी दुपारी १२ वाजता करमाळा शहराजवळील करमाळा-अहमदनगर रोडवर असलेल्या दिव्य गोशाळेस चारा वाटपाचा कार्यक्रम होणार आहे, यावेळी करमाळा शहर व तालुक्यातील सर्व शिवप्रेमी उपस्थित राहणार आहेत.

16 फेब्रुवारी रोजी कॅरम स्पर्धेचे आयोजन केले असून, ही स्पर्धा सकाळी 11 वाजता सुरू होणार आहे, या स्पर्धेचे उद्घाटन महावितरण कंपनीचे उपअभियंता सुमित जाधव यांच्या हस्ते होणार आहे, याप्रसंगी प्रमुख उपस्थिती म्हणून सहाय्यक पोलीस निरीक्षक सचिन जगताप तसेच पोलीस उपनिरीक्षक विनय माहूरकर हे राहणार आहेत.

१७ फेब्रुवारीला व्याख्यानमालेचे आयोजन केले असून, ही व्याख्यानमाला सायंकाळी ७ वाजता करमाळा शहरातील छत्रपती चौक येथे होणार आहे, या व्याख्यानमालेचे व्याख्याते शिवश्री गंगाधर बनबरे हे व्याख्यान करणार असून त्यांचा विषय “लढाया पडीकडील छत्रपती शिवाजी महाराज” असा विषय असून याप्रसंगी सार्वजनिक बांधकाम विभागाचे उपअभियंता कुंडलिक उबाळे, तालुका कृषी अधिकारी संजय वाकडे, करमाळा नगर परिषदेचे मुख्याधिकारी बालाजी लोंढे, जिल्हा परिषद बांधकाम समितीचे दिलीप गौंडरे, दुय्यम निबंधक अधिकारी अरविंद कोकाटे हे उपस्थित राहणार आहेत.

१८ फेब्रुवारी रोजी हलगी स्पर्धेचे आयोजन केले असून, ही स्पर्धा दुपारी ४ वाजता होणार असून या स्पर्धेचे उद्घाटन गटविकास अधिकारी मनोज राऊत हे करणार आहेत यावेळी सहाय्यक पोलीस निरीक्षक मिठू जगदाळे, नायब तहसीलदार विजय जाधव, सहाय्यक पोलीस निरीक्षक प्रकाश भुजबळ हे उपस्थित राहणार आहेत.

19 फेब्रुवारी रोजी छत्रपती शिवाजी महाराज पुतळ्यास अभिषेक घालण्यात येणार आहे हा अभिषेक सकाळी आठ वाजता सेवेकरी वसंत जाधव व अमोल गाढवे यांच्या हस्ते होणार आहे, सकाळी नऊ ते बारा यादरम्यान मर्दानी खेळ यामध्ये दांडपट्टा मल्लखांब लेझीम तसेच सकाळी नऊ ते दुपारी तीन वाजेपर्यंत रक्तदान शिबिराचे आयोजन करण्यात आले आहे.

करमाळा शहरातील छत्रपती चौकात या सर्व कार्यक्रमाचे आयोजन करण्यात आले असून या ठिकाणी विविध स्पर्धेचे बक्षीस व मूकबधिर शाळेस वाटर फिल्टर वितरित करण्यात येणार आहे, याप्रसंगी तहसीलदार समीर माने, तसेच वरिष्ठ पोलीस निरीक्षक ज्योतीराम गुंजवटे, करमाळा एसटी डेपोच्या अश्विनी किरकत तसेच करमाळा उपजिल्हा रुग्णालयातील वैद्यकीय अधिकारी डॉ अमोल डुकरे यांची प्रमुख प्रमुख उपस्थिती असणार आहे.

19 फेब्रुवारी रोजी सायंकाळी चार वाजता करमाळा शहरातील किल्ला बेस येथून छत्रपती शिवाजी महाराजांच्या मूर्तीचे पूजन व भव्य मिरवणुकीचे आयोजन छत्रपती शिवाजी महाराज जयंती उत्सव समिती समितीच्यावतीने भव्य मिरवणुकीचे आयोजन करण्यात आले आहे, या मिरवणुकीचे उद्घाटन उपविभागीय पोलीस अधिकारी विशाल हिरे यांच्या हस्ते होणार आहे, ही मिरवणूक करमाळा शहरातील किल्ला वेस येथून काढण्यात येणार आहे, अशा प्रकारे छत्रपती शिवाजी महाराज जयंती उत्सव समितीच्या वतीने विविध कार्यक्रमाचे आयोजन करण्यात आले असून या कार्यक्रमासाठी सर्वांनी उपस्थित राहण्याचे आवाहन उत्सव समितीच्यावतीने करण्यात आले आहे.