प्रकाश मुसळे यांना बढती-नायब तहसीलदारपदी नियुक्ती
करमाळा/संदेश प्रतिनिधी
करमाळा, ता.22 : करमाळा शहरातील रहिवासी असलेले व सध्या कुर्डूवाडी येथील उपविभागीय अधिकारी कार्यालयात कार्यरत असलेले प्रकाश मुसळे यांना बढती मिळाली आहे. त्यांची शिरूर ( जि. पुणे) येथे नियुक्ती करण्यात आली आहे.
अत्यंत प्रतिकूल परिस्थितीवर मात करत त्यांनी हे पद हासील केले आहे. त्यांचे प्राथमिक शिक्षण झरे येथे झाले, तर माध्यमिक शिक्षण पाचवी ते दहावी कर्मवीर आण्णा साहेब जगताप विद्यालय करमाळा येथे तर पदविपर्यंतचे शिक्षण येथील यशवंतराव चव्हाण महाविद्यालायत झाले.
क्लार्क,अव्वल कारकून,मंडल अधिकारी या पदावर त्यांनी कामे केली. ते कुर्डूवाडी येथे कार्यालयीन वरीष्ठ सहाय्यक म्हणून कार्यरत असताना त्यांना बढती मिळाली आहे.
त्यांना मिळालेल्या यशाबद्दल यशकल्याणी संस्थेचे संस्थापक अध्यक्ष गणेश करे-पाटील, ग्रामसुधार समितीचे अध्यक्ष डाॅ ॲड बाबूराव हिरडे, वकील संघाचे माजी उपाध्यक्ष ॲड. सचिन लोंढे यांनी केले आहे.
