रिधोरे येथे उद्या प्रा.झोळ यांची जनसंवाद यात्रा व शेतकरी मेळावा
करमाळा (दि.५) – उद्या ६ ऑक्टोबरला करमाळा-माढा संयुक्त विधानसभा मतदारसंघातील मौजे रिधोरे, ता. माढा येथे सायं .०७:०० वा. प्रा. रामदास झोळ यांचा “जनसंवाद व शेतकरी मेळावा” आयोजित करण्यात आला आहे.
सदर मेळाव्याचे आयोजन स्वाभिमानी शेतकरी संघटनेच्या पुढाकाराने करण्यात येत आहे. करमाळा तालुका व माढा संयुक्त विधानसभा मतदारसंघातील जनतेशी त्यांच्या विविध समस्यांवरती विचारविनिमय करण्यात येणार आहे. तसेच शिक्षण, आरोग्य व रोजगार या समस्यांवर कशा उपाय योजना आखण्यात येतील, आपल्या शेतमालाला हमीभाव व उसाला योग्य दर कसा मिळेल याबाबत प्रा. रामदास झोळ हे शेतकऱ्यांशी संवाद साधणार असल्याची माहिती आयोजकांनी दिली. . सदर जनसंवाद यात्रा व शेतकरी मेळाव्यास आपण बहुसंख्य संख्येने उपस्थित रहावे असे यावेळी आवाहन करण्यात आले आहे.
