मुक्या प्राण्यांसाठी कै. बाबुराव गायकवाड प्रतिष्ठान मार्फत २७ हजार लिटर पाण्याची सोय
करमाळा / संदेश प्रतिनिधी
करमाळा : मुक्या प्राण्यांना व पक्षांना पाण्याचे दुर्भिक्ष्य जाणवू लागल्याने येथील कै. बाबुराव तात्या गायकवाड प्रतिष्ठानचे सचिन गायकवाड यांनी आज वनविभागातील तलावात २७ हजार लिटर पाणी टँकरद्वारे पाणी सोडले आहे. यावेळी महादेव फंड, पत्रकार नासीर कबीर, दिनेश मडके, सचिन जव्हेरी, समाधान फरतडे, प्रमोद भाग्यवंत, कुकडे सर, दादा इंदलकर, श्री. बिडवे आदी मान्यवर उपस्थित होते.
कै. बाबुराव तात्या गायकवाड प्रतिष्ठान मार्फत नेहमीच समाजपयोगी उपक्रम राबविले जातात. माणुसकीची भिंत, रूग्णांना मदत, पशुपक्षांना पाणी व खाद्य, उत्सवामध्ये गरीब लोकांना शिधावाटप, शैक्षणिक साहित्य वाटप अशाप्रकारे सातत्याने समाजासाठी कार्यरत असणाऱ्या या प्रतिष्ठानचा आदर्श इतरांसाठी अनुकरणीय ठरलेला आहे.
