परिवर्तन प्रतिष्ठानच्या वतीने राजुरीत रक्तदान शिबिर
करमाळा (दि.४) – परिवर्तन प्रतिष्ठानच्या वतीने राजेश्वर हॉस्पिटलच्या वर्धापन दिनाच्या निमित्ताने रविवार, ०३ नोव्हेंबर २०२४ रोजी राजुरी (ता. करमाळा) येथे भव्य रक्तदान शिबिराचे आयोजन करण्यात आले. या शिबिराचे उद्घाटन युवा नेते तथा जेऊर गावचे सरपंच पृथ्वीराज पाटील यांच्या शुभहस्ते आणि तालुक्याचे युवा नेते शंभूराजे जगताप यांच्या प्रमुख उपस्थितीत संपन्न झाले.
परिवर्तन प्रतिष्ठान गेली दहा वर्ष सलग रक्तदान शिबिराचे आयोजन करत असते. यातून हजारो नागरिकांना रक्ताचा पुरवठा झाला आहे. सेवा, सहयोग हा या भावनेनं सुरू केलेली ही रक्तदानाची चळवळ सुरूच ठेवून आगामी काळात अधिक व्यापक पद्धतीने सुरू ठेवायची असल्याचे प्रतिष्ठानचे अध्यक्ष डॉ. अमोल दुरंदे यांनी सांगितले. या रक्तदान शिबिरात राजुरी आणि पंचक्रोशीतील अनेक नागरिकांनी सक्रिय सहभाग नोंदवला. परिवर्तन प्रतिष्ठान दर दोन महिन्याला वेगवेगळी शिबिरे आयोजित करत असते. लवकरच आपणांस आगामी शिबिराची तारीख कळवण्यात येणार आहे.हे शिबीर यशस्वी होन्यासाठी सरपंच राजेंद्र भोसले,एकनाथ शिंदे,आबासाहेब टापरे,बंडु शिंदे,उपसरपंच सतीश शिंदे,ग्रा.प सदस्य शरद मोरे,बंडु टापरे,राहुल पाटील याँनी सहकार्य केले.
