रमेश भोसले यांना ‘आदर्श विज्ञान शिक्षक पुरस्कार’ – जयवंतराव जगताप यांच्या कडून सन्मान
करमाळा(दि.१२): करमाळा येथील महात्मा गांधी विद्यालयाचे पर्यवेक्षक रमेश मुरलीधर भोसले यांना सोलापूर जिल्हा अध्यापक विज्ञान मंडळाच्या वतीने आदर्श शिक्षक पुरस्कार मिळाल्याबद्दल माजी आमदार जयवंतराव जगताप यांच्या हस्ते सन्मान करण्यात आला.
श्री. भोसले यांनी विद्यार्थ्यांच्या सर्वांगिण प्रगतीसाठी घेतलेले विशेष परिश्रम, विज्ञान विषयाची आवड निर्माण होण्यासाठी केलेले उत्कृष्ट कार्य इ . ची दखल घेत सोलापूर जिल्हा विज्ञान अध्यापक मंडळाने ‘आदर्श विज्ञान शिक्षक पुरस्कार २०२४’ दिला आहे. हा पुरस्कार सोलापूर जिल्हा विज्ञान अध्यापक मंडळाच्या १२ व्या वार्षिक अधिवेशनामध्ये वितरीत करण्यात आला.
बाजार समिती कार्यालयात माजी आमदार जयवंतराव जगताप यांनी त्यांचा विशेष सत्कार करून अभिनंदन केले. भोसले सर यांना मिळालेल्या पुरस्कारामुळे महात्मा गांधी प्रशालेच्या लौकिकात भर पडली आहे असे प्रतिपादन श्री जगताप यांनी यावेळी केले.
यावेळी संचालक दादासाहेब कोकरे, अमृत कटरिया भाऊसाहेब,तालुका सोसायटी चे माजी संचालक भाऊसाहेब बुधवंत, अंनिसचे माने भाऊसाहेब, दिगंबर रासकर आदीजण उपस्थित होते.
