केम सोसायटीच्या चेअरमनपदी जगताप गटाच्या सारिका शिंदे यांची बिनविरोध निवड

करमाळा (संदेश प्रतिनिधी) : केम विविध कार्यकारी सेवा सहकारी संस्थेच्या चेअरमन पदी माजी आमदार जयवंतराव जगताप गटाच्या सौ सारिका भिमराव शिंदे यांची व व्हाईस चेअरमनपदी चंद्रकांत अभिमान दोंड यांची बिनविरोध निवड झाली.

यावेळी झालेल्या मिटिंगच्या अध्यक्षस्थानी निवडणुक निर्णय अधिकारी तथा प्र सहाय्यक निबंधक उमेश बेंढारी होते . केम विकास सोसायटीची निवडणूक नुकतीच बिनविरोध झाली होती. या निवडीप्रसंगी नुतन संचालक दिलीप दोंड , विलास बिचितकर , आनंद शिंदे , दयानंद तळेकर , दत्तात्रय बिचीतकर , महादेव पारखे , अच्युत तळेकर , किरण तळेकर , सौ कौशल्या दोंड , नवनाथ कोळेकर , बाळासाहेब देवकर , सुमीत ओहोळ , मार्केट कमिटीचे संचालक सागर दोंड , संजय दोंड , भिमराव शिदे यांचेसह ग्रामस्थ मोठ्या संख्येने उपस्थित होते.

निवडीनंतर माजी आमदार जयवंतराव जगताप, माजी नगराध्यक्ष वैभव जगताप यांनी नूतन अध्यक्ष , उपाध्यक्ष , संचालक यांचे सत्कार करून शुभेच्छा दिल्या . प्रास्तविक सोसायटीचे सचिव बबनराव मेहेर यांनी व आभार गटसचिव लक्ष्मण थोरात यांनी व्यक्त केले .