नम्रता रणसिंग हिची समाजसेवा अधिक्षक पदावर निवड
करमाळा /संदेश प्रतिनिधी
करमाळा,ता.१४: खातगाव नं. २ ता. करमाळा येथील रहिवाशी असलेल्या कु. नम्रता राजेंद्र रणसिंग हिची समाजसेवा अधिक्षक ( वैद्यकिय ) पदावर निवड झाली असून राज्यात मुलीमध्ये तिचा द्वित्तीय क्रमांक आला आहे.
राज्यामधील ८३ रिक्त पदासाठी नुकतीच परीक्षा झाली होती. त्यात कु.रणसिंग हिचा १४० गुण मिळवून मुलीत दुसरा क्रमांक आला आहे.
कु. रणसिंग हिस बारावीला चांगले गुण असूनही तिने पुणे येथील एस. एन. डी. टी. विद्यापीठात कलाशाखेत प्रवेश घेतला. भुगोल हा विषय घेऊन या विद्यापीठात सुवर्णपदक मिळवले आहे. त्यानंतर एम. एस. डब्लू ही पदवी मिळवून सेट परीक्षा उत्तीर्ण झाली आहे. .
महाराष्ट्र लोकसेवा आयोगातर्फे यापूर्वी नम्रता हिची पीएसआय, फॉरेस्ट अधिकारी, पिंपरी चिंचवड येथे सोशल ऑफिसर म्हणून नेमणूक झाली होती. त्यांची आता जिल्हा आरोग्य अधीक्षक पदी निवड झाल्याने अनेकांनी विशेष अभिनंदन केले आहे. ग्रामसुधार समिती तर्फे विशेष अभिनंदन करण्यात आले आहे.
कु. रणसिंग या सोलापूर जिल्हा मध्यवर्ती बँकेचे प्रथम वर्ग अधिकारी राजेंद्र रणसिंग यांच्या कन्या आहेत.
