दत्तकला कॉलेजचे (केत्तुर) जिल्हास्तरीय क्रीडा स्पर्धेत सुयश- आर्या बाबरची पुणे विभागीय स्पर्धेसाठी निवड

करमाळा(संदेश प्रतिनिधी) – दि.12 ऑक्टोबर 2023 रोजी राज्य राखीव पोलिस बल गट क्रमांक 10 ,सोरेगाव, सोलापूर येथे झालेल्या जिल्हास्तरीय मैदानी स्पर्धेत दत्तकला आयडियल स्कूल अँड ज्युनियर कॉलेज केत्तुर नं.1 च्या आर्या अप्पासाहेब बाबर या विद्यार्थिनीने 17 वर्षे वयोगट मुलींमधे 200मी. रनिंगमध्ये जिल्ह्यात द्वितीय क्रमांक पटकावला आहे. तिची पुणे विभागीय स्पर्धेसाठी निवड झाली आहे. तसेच 100 मी.रनिंग मध्ये तिने जिल्ह्यात चौथा क्रमांक मिळविला आहे. तसेच गोविंद गोरख पाखरे या विद्यार्थ्यांने 17 वर्षे वयोगट मुलांमधे 200 मी.रनिंग मध्ये जिल्ह्यात तृतीय क्रमांक मिळविला आहे.

याबरोबरच 19 वर्षे वयोगट मुलींमधे 200 मी. रनिंग मध्ये प्रगती प्रविण पाटिल या विद्यार्थिनीने प्राथमिक फेरी पार करुन अंतीम फेरीपर्यंत मजल मारली. तसेच दिक्षा रमेश कोडलिंगे या विद्यार्थिनीने प्राथमिक फेरीत चौथा क्रमांक मिळविला. या सर्व यशस्वी खेळाडूंना मार्गदर्शन खेळ विभाग प्रमुख रविंद्र बाबर यांनी केले.

बालेवाडी(पुणे ) येथे असलेल्या पुणे विभागीय मैदानी स्पर्धेसाठी आर्या अप्पासाहेब बाबर या विद्यार्थिनीची 17 वर्षे वयोगटातून 200 मी.रनिंग या मैदानी स्पर्धेसाठी ग्रामीण भागातून आणि सर्वसामान्य कुटुंबातून निवड झाल्याने समाजातील सर्व स्तरातून तिचे कौतुक केले जात आहे.

या सर्व यशस्वी खेळाडूंचे दत्तकला शिक्षण संस्थेचे संस्थापक अध्यक्ष प्रा. रामदास झोळ,संस्थेचे उपाध्यक्ष श्री. राणा दादा सुर्यवंशी साहेब, सचिवा प्रा.माया झोळ मॅडम, मुख्य प्रशासकीय अधिकारी डॉ.श्री विशाल बाबर सर,स्कूल डायरेक्टर प्रा.नंदा ताटे ,प्राचार्य विजय मारकड सर व सर्व शिक्षक शिक्षकेत्तर कर्मचारी यांनी अभिनंदन केले व पुढील स्पर्धेसाठी हार्दिक शुभेच्छा दिल्या.