कुकडी धरणाचे पाणी भोसे तलावात सोडावे – शंभूराजे जगताप यांची मागणी..
करमाळा / संदेश प्रतिनिधी :
करमाळा : करमाळा तालुक्यातील मौजे भोसे येथील तलावात कुकडीचे पाणी सोडण्यात यावे अशी मागणी जलसंपदामत्र्यांसह खासदार , आमदार व कुकडी प्रकल्पाचे कार्यकारी अभियंता यांचेकडे निवेदनाद्वारे शंभूराजे जगताप यांनी केली आहे.
याबाबत पुढे बोलताना ते म्हणाले कि, चालू वर्षी पावसाचे प्रमाण खूप कमी आहे. या भागात पाऊस खूपच कमी पडला असून पाण्या अभावी खरीप हंगामातील पिके जळून चालली आहेत.त्यामुळे शेतकऱ्यांचे खूप नुकसान होत आहे. तरी त्या तलावात शेतीपंपा साठी व पिण्यासाठी पाणी सोडण्यात यावे.
या तलावातील पाण्याचा फायदा भोसे, रावगांव, हिवरवाडी या गावातील शेतीसाठी व पशु पक्ष्यासाठी होतो.या तलावात पाणी सोडण्याची खूप गरज आहे. सध्या कुकडी प्रकल्पात समाधानकारक पाणीसाठा आहे . या मागणीचा विचार करून वेळीच पाणी सोडण्यात यावे ही विनंती करणारे निवेदन देवून आमदार, खासदार , कुकडी चे कार्यकारी अभियंता व जलसंपदा मंत्री यांचेकडे संबंधित लोक प्रतिनिधी व अधिकारी म्हणून शासन स्तरावर पाठपुरावा करून शेतकऱ्यांना दिलासा द्यावा ही विनंतीही जगताप गटाचे युवानेते तथा खरेदी – विक्री संघाचे अध्यक्ष शंभूराजे जगताप यांनी मागणी केली आहे.
